CLXI.

1337, August 19. Kamenz.

Derselbe befreit die Mühle des Klosters in Wenig-Nossen von allen Auflagen.

In nomine domini amen. Beati misericordes, quoniam ipsi misericordiam consequentur, hinc nos Bolko dei gratia dux Slesie ac dominus de Furstinberg et Munstirberg, omnibus hanc litteram intuentibus profitemur, quod cupientes personis miserabilibus misereri divine remune­rationis intuitu, molendinum situm in parvo Nussyn, quod ad monasterium in Kamencz pertinet et recreationi fratrum decumbentium per abbatem ibidem deputatum existit, prout ad nos relatio fida deduxit, liberum dimittimus et absolutum ab omni exactione vel etiam petitione, quotienscumque eadem generaliter aut specialiter in terra nostra quacumque de causa super rotas molen­dinorum indicta fuerit per nos aut nostros quoslibet successores. In cuius rei testimonium sigillum nostrum presentibus est appensum. Actum et datum in Kamencz anno domini millesimo CCC°.XXX°.VII°. in vigilia sancti Bernhardi; presentibus hiis militibus nostris: domino Rudgero de Hugwicz, domino Nicolao de Danyelwicz, domino Friderico dicto Speculum, domino Peczcone de Milkowicze, Peczcone de Lybenow, domino Heinrico dicto Runge; Petro nostro notario et aliis pluribus fide dignis.

Or. Perg. An ponceaufarbiger Seidenschnur hängt das Reitersiegel des Herzogs mit Rücksiegel, wie bei No. CLX. Vgl. Frömrich S. 75.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.